Zgjedhjet e 25 prillit, BE: Rama keqpërdori burimet shtetërore në fushatë

Delegacioni i BE në Shqipëri ka reaguar pas publikimit të raportit të OSBE për zgjedhjet e 25 prillit.

Në një postim në faqen e tij zyrtare, Delegacioni thekson se ky raport konfirmon se zgjedhjet parlamentare ishin përgjithësisht të organizuara mirë dhe se KQZ mbikëqyri procesin zgjedhor në një mënyrë transparente.

Shqetësim, sipas tyre, mbetet keqpërdorimi i burimeve shtetërore si dhe funksioneve zyrtare nga partia në pushtet dhe figura të tjera publike.

“Raporti përfundimtar të Misionit të Kufizuar të Vëzhgimit të Zgjedhjeve të OSBE/ODIHR-it mbi zgjedhjet parlamentare të Shqipërisë, i cili u zhvillua të dielën, më 25 prill, konfirmon se zgjedhjet parlamentare ishin përgjithësisht të organizuara mirë nga administrata zgjedhore dhe se Komisioni Qendror i Zgjedhjeve (KQZ) i reformuar, mbikëqyri procesin zgjedhor në një mënyrë transparente, duke gëzuar besimin e palëve të interesuara.

LEXO EDHE  Osmani takon kryeministrin holandez: Kosova i ka plotësuar kushtet për liberalizimin e vizave, Serbia po prodhon tensione të panevojshme në rajon

Raporti konfirmon gjithashtu shqetësimet në lidhje me keqpërdorimin e burimeve shtetërore apo funksioneve zyrtare nga partia në pushtet dhe figura të tjera publike”, thuhet në reagim.