Vizitat e Aleks Soros në Tiranë, mirë për Ramën dhe Veliajn, keq për Shqipërinë dhe shqiptarët

Nga Aulon Kalaja

Djali i Xhorxh Sorosit, Aleksi vjen shumë shpesh në Tiranë dhe gjithmonë takohet me Edi Ramën dhe Erjon Veliajn.

Unë mendoj se kjo është një gjë e keqe për Shqipërinë dhe një gjë e mirë për Ramën dhe Veliajn.

Dihet që Soros është një nga spekulantët, por edhe një nga lobistët më të mëdhenj. Të gjithë e njihni perandorinë e tij, të shtrirë në gjithë botën. Nuk kam ndërmend t’i hyj teorive, por përciptas të gjithë e dini, si ai dhe kanakarët e tij të kamufluar, përpiqen, të luftojnë apo të tjetërsojnë vlerat e kombeve, gjoja në emër të demokracisë.

Opozita duhet të shfrytëzojë “armiqtë” e Soros, jo të paktë anekënd dhe të ngrejë një kauzë. Pse duhet të jetë kauza kjo, lind pyetja?!

Sepse unë mendoj që të gjitha punët e mira të opozitës pengohen nga Soros, kauzat, protestat, lobingjet, goditjet e figuarve djathtas në Shqipëri, apo edhe stigmatizimi i PD dhe figurave të saj. Shembulli më tipik i saj është shpallja e PD si arrmike e “Reformës në drejtësi”, ndërkohë që PD e ka votuar dhe mbështetur atë. Ky “keqkuptim” duhet të marë fund. Gjithashtu nëse opozita nuk përdor “armiqtë” e Soros, nuk do të arrijë të sensibilizojë dhe të bindë faktorin ndërkombëtar në Ëashington dhe Bruksel, për maskaradën e 25 prillit.

LEXO EDHE  Dhunë ndaj babait, arrestohet 36-vjeçari lushnjar

Ka disa vende në botë që e kanë shpallur të padëshiruar Sorosin, ka dhe kryetarë partish që e sulmojnë atë dhe janë të suksesshme dhe në pushtet.

Gjykoj se Sorosi është pengesa më e madhe e opozitës shqiptare, që ajo të pranohet në arenën ndërkombëtare dhe kjo gjë duhet tejkaluar sa më parë.