Tokyo 2020/ Kledi Kadiu nuk i’a del dot, eliminohet në 100 metra stil i lirë

Ditën e sotme në Lojërat Olimpike të Tokios, në disiplinën e 100 metrave stil i lire, ka garuar edhe notar ynë Kledi Kadiu. Ai e përshkoi largësinë me kohën e 51.65 sekondave, duke u renditur i pesti në baterinë e tij dhe i 52-ti midis 70 konkurrentëve.

Kësisoj, me këtë rezultat, notari shqiptar e pati të pamundur të kualifikohej për më tej në këtë garë, duke u eliminuar që në tentativën e parë.

LEXO EDHE  Reja në alarm, titullari i Kombëtares dëmtohet dhe rrezikon ndeshjet e tetorit

Ditën e nesërme, më 28 korrik, në “Tokyo 2020”, nga sportistët shqiptarë do të ngjitet në pedanë peshëngritësi Briken Calja, ndaj të cilit pritet shumë, nëse nuk ndodhin të papritura. Rezultatet e tij premtojnë, pse jo edhe mundësinë e ndonjë medaljeje.