Nisen për në Kosovë të mbijetuarit e aksidentit tragjik në Kroaci, 15 mbeten në spital

Qytetarët e Kosovës, të cilët i mbijetuan aksidentit tragjik që ndodhi mëngjesin e së dielës (25 Korrik) janë nisur nga Kroacia drejt Kosovës.

Ndërkohë mediat e Kosovës, kanë publikuar edhe momentin kur pasagjerët që i shpëtuan aksidentit tragjik që mori jetën e 10 personave, janë nisur për në atdheun e tyre.

Mësohet se në Kosovë do të vijnë 26 persona pasi kanë dalë nga spitali dhe gjendja shëndetësore e tyre është mirë.

LEXO EDHE  Në kërkim nga Italia, arrestohet (Emri)

Ndërkohë mësohet se 15 prej pasagjerëve, janë ende në spital, ku po vazhdojnë të marrin trajtim mjekësorë.

Ata do të kthehen në Kosovë, kur gjendja e tyre të përmirësohet.

Po sot gjithashtu pritet që të kthehen në Kosovë, trupat e pajetë të viktimave që humbën jetën nga aksidenti.