Modelja Adrola Dushi së fundmi ka dhënë një intervistë për emisionin “Pushime On Top” ku ka folur shumë gjatë sa i përket jetës së saj personale.
Modelja ka disa vite që është ndarë nga bashkëshorti dhe ka një djalë të quajtur Troi dhe ndarjen me të atin ja ka shpjeguar në mënyrën më të thjeshtë të mundshme.
“Përgjigja ime është kjo që kur unë e kam marrë atë vendim ti ke qenë shumë i vogël. Vendimi nuk është marrë pa u menduar mirë. Tani jemi të dyja palët shumë të lumtur me jetët tona. Edhe Troi është shumë i lumtur. Ai e ka kuptuar këtë gjë”, u shpreh Adrola.
Ndër të tjera modelja bukuroshe foli edhe për karakteristikat që duhet të ketë partneri i saj ideal.
“Të jetë një pëlqim me shikim të parë. Unë vdes për sinqeritetin, për besnikërinë, ta kem shok është gjëja më e rëndësishme që mendoj se duhet të ketë një marrëdhënie, është të jenë shokë, respekt, dashuri”, tha ish-Missi.
