Teksa Japonia vijon të dominojë Lojërat Olimpike me medaljet e arta të fituara, një tjetër sportiste e këtij vendi shkëlqeu por ajo është vetëm 13 vjeç.
Bëhet fjalë për Momiji Nishiya, talenten e cila dominoi skenën në garën e Skateboard në rrugë teksa u rendit e para teksa la pas rivalen braziliane Rayssa Leal dhe japonezen tjetër, Funa Nakayama.
Mosha mesatare e tre sportisteve që u ngjitën në podium ishte 14 vjeç dhe me shaka mund të thuhej se gjatë himnit nuk shiheshin dot nga stendat përballë pasi ishin mbuluar nga gazetarët.
Me suksesin e arritur, Nishiya bëhet kështu sportistja japoneze më e re në histori që arrin të fitojë një medalje të artë olimpike duke thyer rekordin që mbahej nga notarja Kyoko Iwasaki në Olimpiadën e Barcelonës në 1992 kur ajo ishte vetëm 14 vjeçe.
Me performance e saj Nishiya e mbylli garimin me 15.26 pikë, rezultat që i dha medaljen e artë ndërsa braziliania Leal me 14.64 u rendit e dyta dhe Nakayama mori medalje bronzi me 14.49 pikë.
Gjithsesi, 13-vjeçarja japoneze nuk arriti të thyente rekordin historik për femra në një Olimpiadë vetëm për 63 ditë pasi rekordi vijon të mbahet nga amerikania Marjorie Gestring e cila ishte 13 vjeç dhe 268 ditë kur fitoi medaljen e artë në 1936.
