Teuta njofton largimin e Rustem Hoxhës

Një tjetër largim i madh konfirmohet nga Teuta. Shtylla e mbrojtjes, Rustem Hoxha, ka vendosur të mos rinovojë me kampionët në fuqi. Lajmin e bën të ditur vetë klubi durrsak përmes një njoftimi në rrjetet sociale.

“Faleminderit Kampion! KF Teuta komunikon përfundimin e bashkëpunimit me qendërmbrojtësin Rustem Hoxha, i cili nga sot nuk është më pjesë e Teutës. Lojtari largohet nga Teuta duke lënë mbrapa plot kujtime për tifozerinë stafin dhe ekipin.

LEXO EDHE  Bundesliga/ Bayern Munchen i papërmbajtshëm, i jep shtatë “shuplaka” Bochumit

Faleminderit fanella me nr. 5 për gjithçka dhe sidomos për titullin e fituar pas 27 vitesh. Përgjithmonë pjesë e familjes blu. Shumë suksese në vazhdim kampion!”, thuhet në njoftimin e klubit.

Nga raportimet mediatike mësohet se aventura e re e 30-vjeçarit do të jetë Ballkani. Ai ka arritur akordin prej ditësh me klubin nga Suhareka dhe në orët në vijim pritet të prezantohet atje.