Policia ka shoqëruar një 29-vjeçar nga Maliqi pasi i ofroi ryshfet policit për të shmangur procedurat e kontrollit në Kapshticë.
“Punonjësit e Policisë Kufitare në Pikën e Kalimit Kufitar Kapshticë, gjatë kryerjes së proceduarave të regjistrimit të shtetasve që kalojnë kufirin, kanë goditur një rast të korrupsionit. Shtetasi P. L., 29 vjeç, banues në fshatin Shqitas, Maliq, gjatë kryerjes së procedurave të regjistrimit në hyrje të Republikës së Shqipërisë, në momentin kur punonjësi i Policisë i ka kërkuar pasaportën, ai ia ka dhënë atë, me një kartëmonedhë të prerjes 20 euro në brendësi të saj, me qëllim përshpejtimin dhe shmangien e procedurave të kontrollit të dokumentacionit për kalimin drejt tokës shqiptare”, njoftoi policia.
Sipas të njëjtave burime, i riu kishte kaluar kufirin në mënyrë të paligjshme nga Maqedonia, drejt Greqisë.
