Një banesë është përfshirë nga flakët te Shkëmbi i Kavajës. Policia sqaroi se kur ka rënë zjarri, në banesë nuk ka pasur persona.
“Në orën 07:50, në lagjen nr.13, te Shkëmbi i Kavajës, dyshohet si pasojë e një shkëndije elektrike ka rënë zjarr në një banesë në katin e 3-të të një pallati në të cilën nuk kishte persona brenda. Si pasojë, e zjarrit janë shkaktuar vetëm dëme materiale”, njoftoi policia.
Shërbimet e zjarrfikëses kanë bërë të mundur shuarjen e zjarrit ndërsa grupi hetimor po punon për zbardhjen e shkakut të zjarrit, shtuan të njëjtat burime.
