Sot mbushen 25 vjet nga vrasja tragjike e Bujar Kaloshit, ish-drejtor i Përgjithshëm i Burgjeve, i cili u ekzekutua në një atentat mafioz.
Për të kujtuar Kaloshin, Nebil Çika, kreu i shoqatës anti-komuniste të ish të përndjekurve politikë, shkruan në rrjetet sociale se ai ishte themelues e aktivist i shquar i Shoqatës Antikomuniste e e Përndjekurve Politike të Shqipërisë, pinjoll i një prej familjeve me të persekutuar e më të nderuara të kombit tonë.
“Sot në këtë përvjetor përulemi me nderim ndaj figurës veprës dhe sakrificës së tij. Vrasja e tij, si të gjitha vrasjet e të perndjekurve politike antkomunistë për turpin e drejtësisë, ka ngelur e pa ndëshkuar gje që na e bën më të pikëlluar kete ditë përkujtimore .
Ne jemi sot pranë familjes së tij në këtë përkujtim të dhimshem për të gjithë ne .
Nderim përjetë veprës e sakrificës së tij!”, shkruan Nebil Çika në rrjetet sociale.
