Erion Braçe, i cili nga momenti që ka marrë postin e zv.Kryeministrit firmos çdo vendim Qeverie, duket se është një kukull në kabinetin qeveritar.
Braçe prej disa ditësh denoncon në rrjetet sociale zhurmat që bëjnë betonieret, që punojnë në sajë të lejeve të ndërtimit që firmos një tjetër Erion, ai i Bashkisë së Tiranës.
Qeveria ku Braçe mban postin e zv.Kryeministrit vijon të mbajë në fuqi një vendim që ndalon muzikën pas orës 23:00, ndalon qarkullimin e njerëzve pas orës 00:00, por lejon të punojnë betonieret, që nuk e ndalën punën as në kulmin e pandemisë.
Janë të njëjta betoniere që qarkullojnë orë e pa orë në rrugët e Tiranës, shpesh duke krijuar bllokime trafiku apo duke u kthyer në burim aksidentesh.
E ndërsa mediat kanë denoncuar një fenomen të tillë, por që s´ka pasur asnjë reagim nga institucionet, qofshin të Policisë Rrugore, ashtu edhe ato të Bashkisë që drejtohet nga Lali Eri, duket se rradha për t´u shfaqur i pafuqishëm i ka ardhur Erion Braçes.
“Ora 00.02, e dielë! Vazhdon! Ka nisur edhe ndalim qarkullimi medemek!
Ora 23.39, e shtunë! Cmendia nuk ka fund! Këtë tjetrin e zuri tani. Për 20 minuta duhet të nis ndalim qarkullimi medemek! Për makinat, për njerëzit;
JO PER ZHURMAT SE PER TO SKA THENE KUSH GJE!”, shkruan Braçe, i cili duket se i ankohet popullit për atë që ndodh, ose po shfajësohet për pafuqinë që ka kundrejt betoniereve.