“Do të doja të isha në fushë kundër Baselit”, Bitri: Partizani skuadër me personalitet, jam ambientuar mirë te Astana

Mbrojtësi Eneo Bitri ishte një nga titullarët e larguar nga Partizani gjatë merkatos së verës. Dhe si të gjithë lojtarët e tjerë të larguar, ka firmosur në kampionat jashtë Shqipërisë.

24-vjeçari iu bashkua gjigantëve të Kazakistanit, Astana, ku ka luajtur tri ndeshje deri më tani si titullar.

Në një intervistë ekskluzive për “Panorama Sport”, Bitri ka folur rreth ecurisë së tij në Kazakistan rreth ndeshjes së Partizanit kundër Bazelit, si dhe për Kombëtaren e Shqipërisë, ku u shpreh optimist se një ditë do të jetë pjesë e saj.

Eno, urime për fitoren në Ligën e Konferencës. Si ndiheni?

Faleminderit! Ndihem shumë i lumtur për fitoren, sepse kemi triumfuar me një rezultat të kënaqshëm, që na jep siguri për ndeshjen e kthimit. Luajtët titullar dhe ndihmuat skuadrën që ta mbanit rrjetën e paprekur.

A mund të themi se jeni përshtatur tek Astana?

Po, kjo ishte ndeshja e tretë si titullar për mua, pasi dy ndeshjet e kaluara ishin për Kupën e Kazakistanit. Mendoj se jam ambientuar me shpejt nga ç’e prisja, sepse më kanë afruar të gjithë dhe që nga dita e parë jam ndier si në shtëpinë time. Këtu kam filluar të përshtatem me lojën e skuadrës, duke zbatuar detyrat që më jep trajneri.

LEXO EDHE  VIDEO/ Përplasje fizike në konferencë shtypi, dy boksierët shp*rthejnë në grushte me njëri-tjetrin

Do të donit të ishit edhe ju në fushë kundër Bazelit?

(Qesh). Është një pyetje që  nuk do shumë mend, pasi kush nuk do të donte të ishte në fushë në atë ndeshje. Po të isha, do të kisha dhënë mbi 100%, pasi futbolli luhet për ndeshje të tilla.

Bitri, Asani, Çinari apo Mala? Keni ndonjë bast personal se kush do ta kapë i pari Kombëtaren?

Bast nuk kemi vënë, sepse kjo është diçka që ne duhet të japim më të mirën tone nëpër ekipet tona, që ta meritojmë ftesën e Kombëtares, por mendoj që të katër do të jemi një ditë pjesë e Kombëtares