Aksidenti tragjik/ Përmbyset autobusi me targa shqiptare, 10 viktima dhe 30 të plagosur (FOTO)

Një aksident është regjistruar ditën e sotme në autostradën “Slavonski Brod”, në Kroaci.

Një autobus me targa të Kosovës ka dalë nga rruga dhe për pasojë 10 pasagjerë kanë humbur jetën, ndërsa më shumë se 30 persona janë transportuar në spital.

Mësohet se autobusi i aksidentuar është i linjës Frankfurt-Prishtinë.

Shefi i Policisë Rrugore, Franjo Galic i cili ka mbërritur menjëherë në vendin e ngjarjes deklaroi se ky është një aksident shumë i rëndë automobilistik, “Një nga më të vështirët me të cilët jam përballuar”, ka thënë ai.

Nga ana tjetër zëdhënësi i policisë Brod –Podavina, Damir Brezic ka thënë se situata është e vështirë dhe se numri i pasagjerëve në rrezik për jetën mbetet i lartë.

LEXO EDHE  Fluks pacientësh në spitalin e Krujës, dyshohen të helmuar nga uji

Sipas mediave kroate bëhet fjalë me një autobus me targa të Kosovës që ishte nisur nga Frankfurti në drejtim të Kosovës. Gjithashtu raportohet edhe për 30 të plagosur.

Mediat kroate raportojnë që aksidenti ka ndodhur rreth orës 6 të mëngjesit në autostradën A4. Në bordin e tij ishin 60 persona.

“KosovaPress” raporton se autobusi është i kompanisë “Deva Tours”, i linjës Frankfurt-Prishtinë. Por kompania në fjalë nuk ka konfirmuar numrin e saktë të viktimave dhe të të plagosurve.