Stadiumi “Zeqir Ymeri” është drejt fundit. Prej kohësh impianti kuksian i është nënshtruar një rikonstruksioni total, ndërsa tanimë ka marrë formë. Priten të vendosen stolat si dhe të shtrohet tapeti.
Presidenti Safet Gjici ka postuar një video ku tregon ecurinë e punimeve. Kreu i klubit kuksian shfaqet optimist dhe tregon se kur do të përfundojnë punimet e këtij impianti.
“MIRËMËNGJES dhe me punën që po ecën me ritme të shpejta për stadiumin e ri të Kukësit, që në shtator të jetë gati me kushte dinjitoze për ekipin e qytetit, ju uroj një ditë të mbarë”, shkruan Gjici.
