U doli në mbrojtje dy shoferëve që ecnin me 225 km/orë, reagon sërish Leonora Jakupi

Dy shqiptarë nga Kosova, njëri me ‘Lamborghini’ e tjetri me ‘BMW’, ecnin pak ditë më parë me shpejtësi ‘skëterrë’ prej 225 kilometrash dhe nuk i ndaluan radarit të policisë në Fier. Pas ndjekjes, ata u kapën në hyrje të Vlorës dhe u gjobitën me 168 mijë lekë drejtuesi i “Lamborghini”-t dhe 120 mijë lekë drejtuesi i BMW-së.

Lidhur me këtë ngjarje kanë reaguar disa personazhe të njohur të ekranit, të cilët kanë reaguar ashpër ndaj dy shoferëve që ecin shpejt. Por ka edhe nga ata që u dolën në mbrojtje të emigrantëve, duke thënë se nuk e meritojnë gjithë këtë sulm.

Një ndër to është edhe këngëtarja Leonora Jakupi e cila shkruan se ne nuk jemi më të mirë se ta dhe se duhet t’i lëmë të qetë të kënaqen në vendin e tyre, sepse në fund të fundit të gjithë paguajnë për gabimin e tyre.

LEXO EDHE  Lei Kraja: Ish të dashurin e kam ndihmuar të zgjedhë unazë për të fejuarën

“Cka keni more me tan keto sulme per mergaten tone? Jo po garojne me vetura, jo po parkohen keq spo i respektojne rregullat ne komunikacion etj etj A mos jemi na ma mire se ata? Apo keni harru qe jemi brum i njejt? Leni njerezit le te kenaqen ne vendin e vet, teke fundit secili paguan per gabimin e vet! Gezuar Diasporë”, shkruan Leonora në reagimin e saj.

Pas kritikave të shumta në rrjet, këngëtarja ka reaguar sërish dhe u shpreh se nuk mbron njerëz që rrezikojnë jetën e tyre.

“Ta keni parasysh që unë nuk mbroj njerëz që rrezikojnë jetën e tyre dhe të qytetarëve. Unë mbroj të drejtën e diasporës, si duket mediat në Shqipëri nuk e kanë as idenë më të vogël se çfarë po ndodh në Kosovë vitet e fundit,“- shkruan Leonora.