Dy persona janë arrestuar nga policia e Fierit, që ka sekuestruar 3.2 kg lëndë narkotike kanabis dhe fidanë narkotikë.
“Bazuar në informacionet e siguruara në rrugë policore, strukturat e Drejtorisë Vendore të Policisë Fier bënë të mundur finalizimin e operacionit policor të koduar ‘Kalldrëmi’. Në kuadër të këtij operacioni, nga kontrolli i banesës së shtetasve Xh. Ç. dhe Q. Ç., u gjetën dhe sekuestruan 3.2 kg kanabis dhe fidanë narkotikë të mbjellë në kuti felizoli. Në vijim të veprimeve, u arrestuan në flagrancë për veprat penale ‘Prodhimi dhe shitja e narkotikëve’ dhe ‘Kultivimi i bimëve narkotike’, shtetasit Q. Ç., 54 vjeç dhe Xh.Ç., 19 vjeç (babë e bir), banues në Cakran, Fier”, njoftoi Policia.