Akuzohen për kultivim kanabisi, në pranga 65-vjeçari dhe djemtë (Emrat)

Katër persona të shpallur në kërkim për veprën penale “Kultivim i bimëve narkotike” janë arrestuar nga policia e Krujës.

Në pranga janë vënë Kujtim Sula, 65 vjeç dhe djemtë e tij: Fatjon Sala, 27 vjeç, Fatjol Sala 27 vjeç si dhe Nuri Zaja, të gjithë banues në fshatin Mukje-Krujë.

“Këta shtetas ishin shpallur në kërkim pasi shërbimet e Policisë Krujë, në vijim të kontrolleve të territorit me qëllim parandalimin evidentimin dhe goditjen e rasteve të tentativës për kultivimin e bimëve narkotike, në muajin maj 2021, kanë evidentuar në fshatin Nikël, në afërsi të bregut të lumit ‘Zezë’, një sipërfaqe toke të mbjellë me lëndë narkotike kanabis sativa të cilat dyshohet se këta shtetas i kanë kultivuar në bashkëpunim me njëri-tjetrin”, njoftoi policia.

LEXO EDHE  Koronavirusi i merr jetën 30-vjeçares nga Durrësi, vuante nga zemra dhe hipertensioni