U qëllua me thikë në shpinë, 27-vjeçari shqiptar në gjendje të rëndë në spital (Foto)

Pasi mbeti i plagosur nga goditjet me thikë, një 27-vjeçar shqiptar në Itali po lufton me vdekjen në një spital.

Mesditën e sotme, i riu është sulmuar befasisht me thikë nga dy persona, raportojnë mediat e huaja.

Ngjarja ka ndodhur në Romë në rrugën “Gazametro”, pranë një restoranti japonez. I plagosuri tentoi fillimisht të largohet duke vrapuar, por pas afro 150 metrash ai është rrëzuar pa ndjenja në tokë.

Skena ndodhi para syve të dhjetëra kalimtarëve të frikësuar, të cilët lajmëruan menjëherë urgjencën. Brenda pak minutash në vendngjarje mbërriti ambulanca dhe policia.

LEXO EDHE  Kosova lëshon targat historike

Raportohet se 27-vjeçari ka humbur shumë gjak dhe gjendja e tij është kritike për jetën. Ende nuk bëhet me dije identiteti i të plagosurit.

Sipas mediave italiane i riu kishte pasur një debat të ashpër me dy djem pranë një restoranti në zone.

Pas debateve verbale i riu është larguar, por më pas dy djemtë e kanë qëlluar pas shpine, duke humbur gjurmët e duke lënë pas një pellg gjaku.