Numri i të vdekurve nga përmbytjet e shkaktuara nga reshjet e rrëmbyeshme në shtetet Rhineland-Palatinate, Nordrhein-Westfalen dhe Bavaria në Gjermani u rrit në 176.
Malu Dreyer, kryeministrja e shtetit Rheinland-Pfalz, tha në një deklaratë në Mainz se numri i të vdekurve në këtë shtet është rritur në 128. Dreyer falenderoi ekipet e kërkimit dhe shpëtimit, ndërkohë ministri i Brendshëm i shtetit Roger Lewentz deklaroi se 155 njerëz janë ende duke u kërkuar.
“Një javë pas një incidenti të tillë, shanset që të zhdukurit të kenë mbijetuar po dobësohen”- tha ai.
Në shtetin Nordrhein-Westfalen, i cili më parë raportoi 48 të vdekur, numri i vdekjeve nga përmbytjet është korrigjuar në 47, ndërsa në shtetin e Bavarisë numri i viktimave ka mbetur në 1.
Nga ana tjetër, Zyra Gjermane e Meteorologjisë (DWD) paralajmëroi se gjatë fundjavës priten sërish shira të dendur në zonat e përmbytura.
