Këngëtarja e njohur shqiptare, Albërije Hadërgjonaj, e cila e ndan jetën mes Shqipërisë dhe SHBA-së, ka zgjedhur të marrë dozën e parë të vaksinës në vendlindjen e saj, Deçan.
“Sigurisht vaksinën do ta merrja vetëm në vendlindje, shikoni çfarë disipline dhe çfarë pastërtie. Më vjen shumë mirë – tani dua t’i përshëndes të gjitha motrat edhe ndihmëset, mjekët, faleminderit për kontribut”, thotë Albëria në video dhe falënderon stafin mjekësor.
“Për të gjithë ata që se kanë marrë sigurisht një këshillë vjen edhe nga të gjithë stafi edhe nga Ministria e Shëndetësisë për t’u vaksinuar sepse pritet një valë e dytë e COVID-19. Ju uroj një verë sa më të mirë të gjithë pushuesve”, shton ajo më pas.
