Vrasja e një bankieri 69 vjeçar italian, ndërsa ishte duke tërhequr para në një ATM, mbrëmjen e së shtunës nga një shqiptar dhe një italian, vazhdon të jetë në qendër të medias vendase.
Ekzaminimi i kryer nga mjeku Alberto Tortorella konfirmoi se dy plumba e qëlluan Giovanni Caramuscion në gjoks, njëri prej të cilëve goditi zemrën dhe mushkëritë.
Ndërkohë që janë bërë hetime në celularët e dy të dyshuarve.
Sipas mediave lokale në Leçe, një autopsi u krye dje në trupin e Giovanni Caramuscio, ish-menaxheri i bankës së Monteroni i vrarë në moshën 69 vjeçare ndërsa po tërhiqte para nga bankomati i degës së Banca Intesa në Lequile mbrëmjen e 16 korrikut, para syve të gruas së tij.
Ekzaminimi konfirmoi se dy plumba nga arma e njërit prej dy banditëve kishin qëlluar viktimën në gjoks, ndërsa një nga plumbat ishte fatal, duke goditur zemrën dhe mushkëritë.
Ky plumb është nxjerrë nga mjeku ligjor Alberto Tortorella dhe mund të jetë objekt i hetimeve dhe krahasimeve të mëtejshme në lidhje me armën e gjetur në shtëpinë e burrit të akuzuar për të shtënat: Paulin Mecaj, 31 vjeç, shqiptar.
Sipas rindërtimit të akuzës, ai veproi në këtë mënyrë pas reagimit të Caramuscio, i cili grushtoi bashkëpunëtorin e tij, i identifikuar më pas si Andrea Capone, një punëtor 28-vjeçar nga Lequile.
Të dy burrat ndodhen në burgun “Borgo San Nicola”, me urdhër të gjyqtares Laura Liguori para së cilës u mbajtën në pyetje për të vërtetuar arrestimin dy ditë më parë.
Asnjë nga të dy nuk foli, por për të ndërtuar lidhjen midis të dyve dhe marrëdhënien e tyre, dhe për të konfirmuar më tej akuzat, tashmë pasi u publikuan pamjet e kamerave të sigurisë dhe rrobat e tyre, mund të jenë edhe celularët e tyre.
