Vdekja e 26 vjeçares në Greqi, raporti mjeko- ligjor zbulon fakte tronditëse

Ngjarja e cila ka tronditur Greqinë prej dy ditësh, ku një 30 vjeçar vrau të dashurin e tij, 26 vjeçaren Garyfallia Psarakou, teksa ishin me pushime, vihet sërish në qendër të vëmëndjes pas daljes së raportit mjeko-ligjor.

Sipas këtij raporti 30 vjeçari e ka goditur fort, 26 vjeçaren sa ajo ka humbur ndjenjat dhe më pas e ka tërhequr zvarrë në shkëmbinj.

Sipas ekspertit mjekësor Elias Bogioka, trupi i pajetë i Garyfallia, i cili u nxorrë nga deti nga zyrtarët e portit, kishte të nxira nga një grusht në syrin e djathtë, por edhe gërvishtje në anën e djathtë si dhe një plagë 4-5 cm në anën e djathtë të kokës së saj.

LEXO EDHE  Durrës, një tjetër pushues humb jetën/ U mbyt në det

Një traumë që kërkon hetim të mëtejshëm siaps mediave greke.

Të gjitha goditjet, por edhe zvarritjet në shkëmbinj ishin bërë, ndërsa Garyfallia ishte gjallë, gjithmonë sipas ekzaminimit mjeko-ligjor.

Shumë ujë deti u gjet në laring dhe mushkëri, ndërsa gjithashtu tregoi shenja të mavijosjeve në gjirin e djathtë.

Sipas ekspertit mjeko-ligjor, dëmtimet e farmacistes 26 vjeçare dhe sidomos ato në kokë ishin në gjendje të shkaktonin anestezi dhe dhimbje të forta.

Autori e hodhi atë në det kur ishte pa ndjenja dhe vdekja e saj erdhi nga mbytja.