Qeveria e Maqedonisë: Përdorimi i kanabisit nuk është vepër penale

Qeveria e Maqedonisë në një deklaratë që ka bërë për mediat thotë se përdorimi i kanabisit nuk është vepër penale.

“Përdorimi rekreativ personal i kanabisit edhe sot nuk është vepër penale, megjithatë praktika tregon se në terren ekzistojnë paqartësi dhe kemi situatë kur persona të cilët përdorin kanabis për nevoja personale dhe ngarkohen gjoja për qëllime shitjeje”– thuhet në një deklaratë nga Qeveria.

LEXO EDHE  Covid në Maqedoninë e Veriut, 81 raste të reja në 24 orë

Nga Qeveria pritet që me ndryshimet në Kodin Penal të cilat janë në vijim, të vërtetohet me një formulim të qartë që përdorimi personal nuk është vepër penale.

Sipas mediave maqedonase, do të jetë e nevojshme të përcaktohet termi përdorim personal, për të cilin kërkohen zgjidhje ligjore dhe normative.