Të shtëna me armë zjarri në Vlorë, në kërkim pronari i plazhit

Të shtëna me armë zjarri në ajër janë shënuar në Zvërnec të Vlorës, këtë të Enjte. Nga të shtënat nuk ka të plagosur.

Sipas policisë, është qëlluar në vazhdën e një konflikti të çastit, ndërkohë personi që ka shkrepur këmbzën është identifikuar dhe është shpallur në kërkim.

“Luçio Rroko, rreth 42 vjeç, dyshohet se pas një konflikti të çastit, ka qëlluar me armë zjarri në ajër dhe më pas është larguar me shpejtësi. Pas marrjes së informacionit, në vendngjarje kanë mbërritur shërbimet e policisë që bënë identifikimin e autorit të dyshuar. Shërbimet e Policisë po krehin zonën për kapjen e 42-vjeçarit si dhe identifikimin e personave të tjerë të përfshirë në konflikt”, njoftoi policia.

LEXO EDHE  Azem Hajdari u ndalua bashkë me një shok dhe një shoqe, Policia jep njoftimin zyrtar

Dyshohet se Luçio Rroko, pronari i një plazhi privat, është konfliktuar me disa persona të cilët kalonin me kuaj në territorin e plazhit.