Era Rusi ka sjellë në bashkëpunim me Fatmira Breçanin. Projekti i tyre muzikor flet për raportin e mirë mes nuses dhe vjehrrës. Në videoklip dy këngëtaret e njohura shfaqen në rolin e nuses dhe vjehrrës dhe kanë një marrëdhënie shumë të mirë, teksa jetojnë në të njëjtën shtëpi.
Era ishte sot e ftuar në emisionin “Wake Up” në Top Channel, ku u shpreh se me këngën donin që të transmetonin pozitivitetin që kanë.
E pyetur se si është nuse Rusi, duke qeshur ajo tha: “Pyetni Fatmirën. Nuk është ankuar deri tani”, duke qenë se ishte vjehrra e saj në videoklip.
“Ti ke qenë nuse, në sensin i ke thelluar marrëdhëniet me vjehrrën”, e pyeti Isli Islami, të cilit Era u përgjigj shkurt “jo”.
“Si e sheh veten si nuse, do jesh nga ato që do vijnë 1 herë në javë, ishte pyetja e radhës e moderatorit të njohur, i cili shtoi: “Je tradicionale apo pak moderne?”.
“E dua një familje tradicionale, por jo të jetojmë të gjithë në një shtëpi. Mund të jetojmë në shtëpitë përballë. Mund të jemi komshinj, por secili në derë të vet. Mendoj se marrëdhënia ruhet më mirë kështu, jeton më gjatë dhe duhemi më shumë”, tha Rusi.
DENONCO