Emri/ Ndahet nga jeta në moshën 66 vjeçare shkrimtarja dhe gazetarja e njohur

Shkrimtarja dhe gazetarja Vera Isaku, u nda nga jeta pas një semundje të gjatë dhe të pashërueshme në moshën 66 vjeçare.

E lindur ne Bilisht, ku kaloi vitet e saj të fëmijërisë dhe të rinise së hershme , Vera Isaku kreu më pas studimet universitare për letersi në Universitetin e Tiranes. Pas përfundimit të universitetit, së bashku me bashkëshortin, poetin Agim Isaku,​ ajo jetoi dhe punoi për një kohë të gjatë në Lezhë.

Me nisjen e proceseve demokratike, ajo iu bashkua shtypit opozitar, duke qenë gazetarja e parë femër e gazetës Rilindja Demokratike.​ Isaku ka qenë gjithashtu drejtuese në Radio-Televizionin Shqiptar dhe drejtore e Qendrës Ndërkombëtare të Kulturës.

LEXO EDHE  VIDEO/ Zjarri në Dukat, deputeti i zgjedhur, Arbi Agalliu: Qeveria harxhon për PPP, emergjencat civile pa mjete

Kontributet intelektuale të Vera Isakut perfshijnë një numur të madh shkrimesh publicistike në shtypin vendas dhe të huaj. Ajo eshte autore e një serie librash në zhanre te ndryshme si romani, tregimi, poezia dhe eseistika. Në vitet e fundit ajo iu kushtua edhe pikturës duke hapur një ekspozitë te suksesshme me 30 punime në 2015.

Në permbushje të deshirës së saj ceremonia e percjelljes do të jetë private me pjesëmarrjen e rrethit të ngushtë familjar.

Redaksia e Boldnews i shpreh ngushëllime familjarëve dhe të afërmve të gazetares dhe shkrimtares.