Drita merr një barazim historik ndaj Feyenoord, zhgënjejnë Shkëndija dhe Shkupi

Pas Prishtinës edhe Drita merr një rezultat pozitiv në raundin e dytë të Conference League. Skuadra e Ardian Nuhijit merr një barazim historik në “Fadil Vokrri” ndaj një skuadre të madhe si Feyenoord, gjigandi holandez.

Në ndeshjen e parë sigurisht që dominuan miqtë si në mbajtjen e topit ashtu edhe me rastet e krijuara por Drita e menaxhoi në mënyrën më të mirë situatën dhe arriti në fund të marrë një rezultat tepër pozitiv.

LEXO EDHE  Manchester City realizon goditjen e madhe, zyrtarizon transferimin 117 milionë euro

Edhe pse në ndeshjen e kthimit në Holandë, skuadra kosovare do të ketë pak shanse pasi Feyenoord është super favorite, ky rezultat tregon edhe njëherë rritjen e futbollit Kosovar edhe në arenën Europiane.

Ndërkohë për dy skuadrat shqiptare të Maqedonisë së Veriut, Shkëndija dhe Shkupi ishte një mbrëmje për t’u harruar. E para humbi 2-0 në Letoni përballë Riga ndërsa e dyta në shtëpi humbi 3-0 në sfidën me Santa Clara.