Moderatorja Dojna Mema dhe këngëtari Vlashent Sata janë bashkë prej më shumë se 3 vitesh. Vetëm pak muaj më parë ata zgjodhën që ta bënin publike lidhjen e tyre.
Së fundmi, dyshja kanë dhënë intervistën e parë çift tek Adi Krasta. Ata janë pyetur në lidhje me planet e së ardhmes dhe sigurisht a do ketë apo jo një dasmë. Vlashenti tregoi se ai nuk i ka patur me qejf dasmat, por meqë Dojnës i pëlqejnë ai do t’ia plotësojë asaj dëshirës.
“Nuk do ta bëjmë nesër dasmën kemi kohë ta mendojmë, mund ta bëjmë për disa ditë ndoshta”– tha ai duke qeshur.
Më tej, moderatorja tha se në dasmën e tyre do të jenë të ftuar të gjithë njerëzit e zemrës.
