Banorët e Senicës kanë bllokuar mëngjesin e sotëm aksin Kardhiq – Delvinë, ku po zhvillohen punime. Banorët kërkojnë asfaltimin e rrugës ekzistuese për në fshatin e tyre, si dhe rindërtimin e ujësjellësit pasi pretendojnë se ua ka prishur firma gjatë punimeve.
“Ne duam që të rregullohet rruga ekzistuese, si dhe të rregullohet rruga që na çon në fshatin Senicë. Na duhet të çojmë në fshat të paktën ambulancën. Duam patjetër ujësjellësin e fshatit, që të shikohet nga pushteti lokal , pasi depot e ujit janë të hapura, sepse mund të vijnë edhe të hedhin helm aty. Nuk e di pse e neglizhojnë një zonë kaq të madhe. Premtimi që kam marrë nga autoritete është që do të fillojë betonimi i rrugës ekzistuese. I jam drejtues edhe kryeministrit Edi Rama, të nisë një grup pune dhe të shohë situatën ku ndodhemi. Kemi komunikuar me kryetaren e bashkisë, dhe ajo vazhdon me besimin se do ta gjejmë zgjidhjen. Këtu jemi”, u shpreh një prej banorëve për gazetarët.
Rruga Kardhiq-Delvinë është pjesë e projektit infrastrukturor për shkurtimin e distancës Tiranë-Sarandë.
DENONCO