Studiuesi i IDM Gjergji Vurmo, është shprehur se javët e fundit institucionet e drejtësisë janë ‘zgjuar’ ndërkohë shton se nuk ka ardhur fundi i pandëshkushmërisë.
Për sa i përket operacioneve të SPAK, Vurmo thekson se kjo e fundit po merret me peshqit e vegjël dhe jo ato të mëdhenj.
“Deri nga fillimi i vitit 2020, i shihnim me shumë shpresë zgjedhjet e vitit 2021, si një mundësi për t’i dhënë fund tranzicionit të tejzgjatur shqiptar.
Por pa ardhur 2021, u kuptua se ky tranzicion nuk do të ndodhte për shumë arsye. Asnjëra prej palëve politike qoftë në shtet qoftë ato në pozitë, nuk ishin gati t’i jepnin fund këtij tranzicioni. Muajt e fundit kemi vënë re një lloj rizgjimi nga ana e disa institucioneve të drejtësisë, por megjithatë nuk do të thoja se ka ardhur fundi i pandushkueshmërisë.
Janë ndërmarrë disa procese, janë hedhur disa hapa nga SPAK, disa çështje vazhdojnë e janë në hetim, ndërkohë disa të tjera janë zhvilluar hapat e parë procedurial, kemi parë arrestime. Do thoja se SPAK e ka filluar punën me peshqit e vegjël, nuk janë nën hetim peshqit e mëdhenj, ndaj të cilëve shumica e shqiptarëve do të donin të shihnin fundit të pandemisë. Gjithsesi duhet të presim deri në fund të procesit”, tha ai.
