VIDEO/ Rey Manaj në histori, shënon supergol në debutimin me ekipin e parë të Barcelonës

Rey Manaj është shqiptari i parë në histori, që shënon për ekipin e parë të Barcelonës. Sulmuesi i kombëtares sonë është pjesë e katalansve në fazën përgatitore dhe sot u aktivizua në pjesën e dytë në një miqësore ndaj Tarragona.

Ylli i Shqipërisë e tregoi veten që në zbritjen e parë në fushë dhe mundi të shënojë një gol shumë të bukur nga një pozicion i vështirë në minutën e 60, duke kaluar Barcelonën për herë të parë në avantazh.

LEXO EDHE  “Kemi ndërtuar një ekip leshi!” Plas keq mes presidentit dhe klubit të Serie A

Një gol me shumë vlera për sulmuesin nga Lushnja, që me shumë mundësi ka krijuar përshtypje te Koeman, por edhe të klubet që kërkojnë ta blejnë këtë verë ish-sulmuesin e Interit. Manaj shënoi 14 gola me Barcelona B sezonin e shkuar.