VIDEO/ 110 mln euro për Becchettin, Duma: Koha t´a paguajë Edi Rama, jo shqiptarët

Deputetja demokrate Grida Duma akuzon Kryeministrin Edi Rama si përgjegjësin e vetëm për dëmin ekonomik prej 110 mln eurosh që Shqipëria duhet t´i paguajë Becchettit pas humbjes së gjyqeve në Arbitrazh.

Duma përmes rrjeteve sociale shprehet se Edi Rama mund të përpiqet t’i fshihet të vërtetës, por nuk e zhbën dot atë.

“Ai është përgjegjësi i drejtpërdrejtë për dëmin ekonomik prej 110 milionë euro që do të paguajnë familjet shqiptare nga xhepat e tyre.

Secili prej nesh, nga një i porsalindur deri tek çdo pensionisit, do të paguajmë 45 mijë lekë të vjetra.

LEXO EDHE  I nxhehti afrikan ‘gjunjëzon’ Ballkanin/ Temperatura ekstreme në Greqi dhe Turqi, zjarret djegin vendin

Para këto, që mund të shkonin për shkolla, spitale, rrugë, për ndihmë ekonomike për njerëzit në nevojë, për të blerë ushqime, por do të shkojnë për të dëmshpërblyer luftën personale të Ramës me median.

Shteti i kapur nga korrupsioni u përdor për këtë luftë personale, prandaj përgjegjësit e kësaj fature prej 110 milionë euro duhet të shkojnë para drejtësisë.

Mjaft kanë paguar shqiptarët për dëmet ekonomike të shkaktuara nga një pushtet i korruptuar deri në palcë.
Është koha të paguaj Edi Rama!”, shkruan Duma