Sulmuesi i Shqipërisë, Rey Manaj, ka mundësinë e artë për të lënë një përshtypje të mirë te trajneri i Barcelonës, Roland Koeman.
Ky i fundit e ka ftuar lojtarin, për miqësoren që Barcelona do të luajë ditën e sotme ndaj skuadrës së Gimnastic. Ndeshja e sotme do të jetë testi i parë miqësor për Barcelonën, në kuadër të përgatitjeve parasezonale.
Manaj ka mundësinë që të luajë me ekipin e parë dhe në rast se arrin ta bindë trajnerin Koeman, atëherë mund të jetë në skuadrën e parë për sezonin tjetër, ndonëse aty konkurrenca është shumë e madhe.
Lushnjari zhvilloi një sezon shumë të mirë me Barcelonën B, në ligën e tretë spanjolle, aty ku arriti të shënojë plot 14 gola.
