Milena Harito: Rama më bëri të qaj 2 herë, e kishte si qëllim…

Milena Harito, ish-ministre e Inovacionit dhe Administratës Publike, ka rrëfyer disa detaje gjatë periudhës që bashkëpunonte me Kryeministrin Edi Rama.

Në një intervistë në RTSH ajo ka folur për lidhjen farefisnore që ka me kryeministrin Edi Rama, duke theksuar se ata janë kushërinj të tetë.

Harito ka deklaruar se në fillimet e punës, Rama e ka bërë dy herë për të qarë, duke shtuar se ky dukej se ishte edhe qëllimi i tij.

Zonja Harito mund të më thuash momentin më të vështirë dhe më të mirë që ke kaluar me Edi Ramën në ato katër vjet?

Më të mirë sinqerisht, duket si gjuhë e drunjtë, por kujtimet më të mira janë ato gjëra që unë doja të bëja. Unë kisha opsione të tjera por doja të bëja disa gjëra këtu.

LEXO EDHE  Policia shtrin përtokë gazetarin gjatë aksionit/ Berisha: Shtazë me uniformë!

Pra momentin më të vështirë?

Mendova se e harrove. Në ato fillime më ka bërë nja dy herë për të qarë.

Qave shumë?

Jo. Nuk qaj shumë se jam nga Vunoi, por qava.

Dhe Rama u mërzit shumë se qave ti!

Ai ishte qëllimi. Kur e mendoj ato janë momente që kishte të drejtë. Në kuptimin jo të metodës por të thelbit sepse duke të ngacmuar, duke të ngulur thikën në vende ku dhemb aty të bën të avancosh.

A ishte rasti Milena Harito t’i bëhej kjo gjë?

Ai nuk ka nge të merret me ndjenjat e njerit dhe tjetrit. Ka halle të tjera.

Se ju ishit ministre shteti dhe e kishit zyrën afër.

Po në të njëjtin kat.

Më keq nuk kishte domethënë.

Paradhoma e tij ishte më keq.