Nga Boldnews.al
Dritan Leli parashikon që të jetë të paktën edhe 1 vit në detyrën e kryetarit të Bashkisë Vlorë. Megjithëse është sulmuar ashpër nga të “deleguarit” dhe “çërrat” e tij në qytetin bregdetar, doktori ka vijuar normalisht punën. Me një qetësi olimpike ai i është përgjigjur veprimeve të mazhorancës, duke dalë në media dhe dhënë argumente. Padyshim një orator i mirë që ka vënë në vështirësi edhe kryeministrin. Dhe, ai ka vijuar “sfidën” personale me Ramën pasi ka hapur një tender 1 vjeçar për shërbimet e dekorit të qytetit. Një vlonjat kryeneç që nuk i është bindur Ramës, por vijoj të planifikojë ditët e punës.
Sipas dokumenteve që disponon BoldNeës, Dritan Leli ka firmosur hapjen e tenderit me objekt “shërbimini dekorit në Bashkinë Vlorë”. Fondi për këtë tender është 32 milionë lekë pa TVSH, por që me TVSH shkojnë rreth 40 milionë lekë të vjetra. Një shumë e konsiderueshme, duke parë “bllokadën” e Ramës në qytetin që pretendon se e sheh me detaje, madje edhe plehrat më të vogla në një fushë sportive. Por, që bën sikur nuk shikon pirgjet e plehrave në Durrës dhe Kavajë. Në dokumentet që ka siguruar BoldNeës thuhet se kohëzgjatja e kontratës ose marrëveshja për zbatimin e saj është 12 muaj. Ndërkohë që janë edhe dokumentet shoqëruese, ku saktësohet se do të ketë dekor në disa festa.
Leli parashikon që të festojë edhe 5 majin e vitit 2022. Në këtë datë, Vlora do të ketë banderola me shtrirje në të gjithë bashkine, duke filluar nga Novosela deri në Orikum, Shushicë, Qendër. Gjithashtu në sheshe të ketë edhe flamuj zbukurimi të vegjël trekëndor shumëngjyrësh si p.sh te sheshi përpara Bashkisë Vlorë, Sheshi i Flamurit, Sheshi në Skelë, ne sheshet e njesive vendore Orikum, Novoselë, Shushicë. Në datën 9 maj, në raste të përvjetorëve të ketë dekor të veçantë në gjithe Bashkinë Vlorë dhe Njësitë administrative.
Po në maj, Vlora, Orikumi do të zbukurohet me një dekor festiv të përshtatshëm për këtë eveniment. Kryesisht do të ketë banderola në të gjithë shtrirjen e qyteteve, por veçanërisht ne hyrje e tyre dhe në zonën bregdetare. Në datën 15 tetor, në ditën e Çlirimit të Qytetit do të ketë dekor, i njëjtë edhe me 28-29 Nentorin.
“Ceremonitë e ngritjes së flamurit do të festohen me madhështi” thuhet në këtë dokument, ndërsa me rastin e festave të tjera apo ditëve të veçanta të shënuara që nuk janë parashikuar me lart, Bashkia Vlorë rezervon të drejtën që të paraqesë kërkesën për të dekoruar qytetin. Janë disa urime, si “Gëzuar Pashkët”, “Gëzuar Krishtlindjet”, “Gëzuar Bajramin”, “Gëzuar Ramazanin” dhe “Gëzuar Ditën e Verës”.
