I riu godet me thikë fqinjin

Një sherr me një person të plagosur ka ndodhur orët e para të mëngjesit në Cërrik. Një i ri ka goditur me thikë fqinjin e tij 44 vjeç, i cili u transportua në spital. Autori u arrestua.

Ngjarja
Burime zyrtare blutë sqaruan se rreth orës 03:05, Policia ka marrë njoftim se në fshatin Shalës, Cërrik, gjatë një konflikti për motive të dobëta, shtetasi B.Sh., 31 vjeç, kishte plagosur me thikë fqinjin e tij, shtetasin B.Dh., 44 vjeç, i cili ndodhet jashtë rrezikut për jetën.

LEXO EDHE  Dhuna ndaj gazetarit, Prokuroria e Tiranës: Po hetojmë rastin, si dhe veprimet e Policisë

Shërbimet e Policisë shkuan në vendin e ngjarjes, ku bënë të mundur kapjen dhe shoqërimin në Komisariat të autorit të dyshuar të ngjarjes.

Në përfundim të veprimeve, shtetasi B.Sh. u arrestua në flagrancë për veprën penale “Plagosja e rëndë me dashje”.

Ndërkaq, materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.