Dy ish-konkurrentët e “Për’puthen”, Atdhe Xharavina dhe Blerim Dauti, kanë pasur gjithmonë një marrëdhënie të tensionuar gjatë emisionit dhe mesa duket edhe pas tij.
Atdheu, teksa ishte i ftuar në emisionin “Në pranga”, ka djegur me cigare foton e Blerimit si përgjigje ndaj deklaratave të këtij të fundit, i cili e ka quajtur person të “paqëndrueshëm”. Nga ana tjetër, Blerimi nuk e ka pritur aspak mirë këtë gjest dhe ka reaguar shumë i revoltuar në rrjetet sociale. Në një video të publikuar ai kërcënon Atdheun, duke u shprehur se do i djegë shpirtin.
Madje ka treguar edhe një rast kur dy shokë të tij kanë tërhequr nga motori Atdhe Xhavarinën dhe ai “gati sa nuk e ka bërë në brekë”.
“Ti më djeg foton unë do të të djeg shpirtin”, ka thënë Blerimi mes tjerash duke shtuar se Atdheu prej kohësh ka tentuar ta “djeg” në mënyra të ndryshme edhe gjatë programit. “Unë dua ta pyes se si është ndjerë kur dy shokët tanë e kanë tërhequr nga motori dhe gati sa nuk e ka bërë në b**** prej tyre? Po të them diçka unë foto nuk di të djeg, por shpirtin po. Mbaje mend këtë!”, thotë Blerimi shumë i revoltuar.
Pas këtyre kërcënimeve nga ana e Blerimit ka reaguar edhe Atdheu. Në disa postime në rrjete sociale ai ofendon Blerimin dhe shprehet se nuk ja ka frikën askujt përveç Zotit.
“Loqka vogël paska reagu qenka acaru keq, paska fillu me djeg shpirta po niset me djeg shpirta e kam hall se të shef nga b*****. Ky është Suzuki gsxr-750 që ecën mbi 300 km në orë kështu që në rast se ndjen frikë apo dh**** në breg ky ta shpëton jetën mjafton që t’i japësh gazit”, shkruan Atdheu në disa postime në Instagram.
Gjithashtu ai ka publikuar një pjesë nga përballja që ka pasur me Ana Lleshin dikur në emision, ku thekson se kjo është pjesa ku ka folur për konfliktin dhe se personi që është futur në mesin e tyre është gjallë akoma. Ndërsa në një foto tjetër ai e cilëson veten si luan, ndërsa Blerimin si një hienë.
DENONCO