Një ngjarje makabër ka ndodhur në Brazil. Mësohet se dy motra binjake u ekzekutuan në mes të rrugës dhe e gjithë kjo u trasmetua në Instagram.
Bëhet fjalë për Amalia dhe Amanda Alves, trupi i të cilave u gjet në një rrugicë prapa një kompleksi në Pacajus të Brazilit.
Pak orë pas krimit të rëndë policia ka arrestuar një adoleshent 17-vjeçar, si i dyshuar për ekzekutimin makabër. Një foto e shkëputur nga transmetimi në Instagram, tregon dy motrat të gjunjëzuara në baltë dhe me flokët e mbledhura me duar. Më pas 17-vjeçari i ka qëlluar për vdekje me armë pas koke.
Mediat shkruajnë se vrasja ka të bëjë se motrat dinin shumë informacione për tregtarët e drogës në atë zonë. Adoleshenti i arrestuar si i dyshuar për vrasjen e motrave është person me precedent penal.
