Iu gjetën 10 doza kokaine në shtëpi, arrestohet 46-vjeçari në Vlorë

Policia e Vlorës ka arrestuar një 46-vjeçar, pasi iu gjet kokainë në banesë. Sipas uniformave blu është prangosur D. H., 46 vjeç, banues në Vlorë. 46-vjeçarit gjatë kontrollit të policisë i janë gjetur 10 doza me lëndë narkotike të dyshuar kokainë.

“Nga specialistët për Hetimin e Narkotikëve në DVP Vlorë u bë arrestimi në flagrancë i shtetasit D. H., 46 vjeç, banues në Vlorë, pasi në lagjen “Bashkimi”, gjatë kontrollit personal dhe kontrollit të ushtruar në banesës e tij, shërbimet e Policisë gjetën dhe sekuestruan 10 doza me lëndë narkotike të dyshuar kokainë,” thuhet në njoftimin e policisë.

LEXO EDHE  I nxehti afrikan vjen në Shqipëri/ Ja sa pritet të shkojnë temperaturat ditën e martë