Holanda me trajner të ri, ja kush do të jetë pasuesi i Frank de Boer

Louis Van Gaal do të jetë trajneri i ri i përfaqësueses së Holandës duke zëvendësuar kështu të larguarin Frank de Boer.

69-vjeçari ka gjetur akordin me drejtuesit e Federatës dhe do të ulet në pankinën e Holandës për herë të tretë.

Më parë drejtoi kombëtaren e tij në vitet 2000-2001 dhe 2012-2014. Van Gaal njihet si “gjenerali” dhe ka një eksperiencë të madhe në stol.

LEXO EDHE  Largimi i Bardhit ndryshon skemën e Partizanit, Daja do t’i besojë talentit 19-vjeçar

Më parë ka drejtuar edhe klube si Ajax, Barcelona, Bayern Munchen apo Manchester United, që ishte edhe skuadra e fundit me të cilën punoi.

Danny Blind do të jetë ndihmësi i trajnerit të njohur sipas raportimeve të Sky Sports. Zyrtarizimi i Van Gaal te Holanda është çështje kohe.