Në lidhje të drejtpërdrejtë me A-Show me gazetarin Adi Krasta, ish-Presidenti Bujar Nishani ka komentuar kritikat e tij për Kuvendin Kombëtar. Nishani e ka cilësuar Kuvendin Kombëtar si një teatër absurd.
“Pritshmëritë ishin shumë të mëdha. Zhgënjimi ishte po aq i madh sa pritshmëritë ku nuk u realizua asgjë nga ato minimale që u thanë.
Pritshmëritë ishin të mëdha për një sërë arsyesh komplekse. Së pari PD është një entitet i rëndësishëm për sistemin politik në vend.
Është praktikisht sot e vetmja alternativë qeverisëse karshi një qeverisje tashmë që do ta kemi prapë katër vjet, që ka demonstruar kosto, shkatërrimin e institucioneve, ku shqiptarët ikin nga mëngjesi në darkë larg këtij realiteti të hidhur.
Dhe në këtë realitet të hedhur pra kërkohet që të kemi një shpresë, një mundësi. Brenda sistemit politik kemi partitë politikë, dhe brenda këtij sistemi PD është partia më e madhe e mundshme për të alternuar këtë qeverisje të keqe.
Prandaj fakti që zgjedhjet e fundit parlamentare që ishin mundësia për të larguar modelin e së keqes dhe për të sjellë një mundësi të re, ishin një dështim i madh sërish për PD. Dhe 25 prilli kërkonte refleksion.
Dhe ky refleksion më mirë se brenda PD dhe insitucione të saj nuk mund të bëhej më mirë. Ky është një proces kompleks.
Nuk është vetëm politik, pastaj program, statuor, të zërave dhe për ta përfunduar për të qenë e gatshme PD për t’u servirur si alternativë nesër.
Unë e kam konsideruar atë dhe na ka kthyer pas në teatrin absurd të Kamysë. Pra ky Kuvend që duhet të ishte vendi, koha për një analizë të konkluzioneve për ngritjen e shtyllave të alternativave të së djathtës, ai e mbajti brenda një kafazi fiktiv dhe nuk prodhoi asnjë ide.
Nuk shkova në Kuvend për faktin sepse procesi për nuk ishte serioz dhe e njihja skenografinë e këtij teatri absurd që u luajt në Kuvendin Kombëtar.
Këtu ka një çëshje që ka të bëjë më qëndrime konsistente dhe që janë refleksion i atyre që ndodhën më 25 prill dhe që ishte një ecuri pa rezultat i asaj që ka ndodhur në 8 vite. Sot kemi më shumë nevojë për të vërtetën.
Nëse fshihemi atëherë jemi kthyer në njerëz në absurd”, tha Nishani.
