Ndryshon programi për sfidën AEL-Vllaznia, ja orari i ri i ndeshjes

Pas polemikave dhe presionit, ndryshon orari i ndeshjes AEL Limassol-Vllaznia e parashikuar fillimisht për t’u luajtur këtë të Enjte në orën 16:30.

Orari i ndeshjes u kontestua nga klubi shkodran pasi në një orar të tillë në Qipro temperaturat mund të arrijnë edhe 39-40 gradë Celcius dhe ishte e papërshtatshme të luhej.

Orari fillestar ishte vendosur nga klubi qipriot me pretendimin se ndriçimi i stadiumit nuk ishte liçencuar nga UEFA por pas kërkesës nga Unioni i Futbollistëve Profesionistë dhe qeveria e futbollit, pa llogaritur pretendimet nga ana e Vllaznisë, UEFA dha “OK” për  AEL që të ndryshojë orarin e ndeshjes.

LEXO EDHE  Tirana argëtohet në miqësore, fiton 7-0 ndaj klubit të Kategorisë së Parë

Kështu, sfida e parë e Conference League e vlefshme për turin e dytë eliminator do të zhvillohet në orën 19:00 me orën shqiptare, shumë më ndryshe se ora 16:30 ndërsa sonte në mbrëmje pritet që ekipi i Vllaznisë të niset drejt Qipros për përballjen e parë mes tyre.

Siç dihet te Vllaznia do të mungojë vetëm Da Silva për probleme fizike teksa grupi tjetër është i plotë madhe edhe Liridon Latifi është kandidat për ta nisur titullar takimin në Qipro.