Këngëtarja Fjolla Morina është arrestuar ditën e djeshme para dyqanit të saj të fustaneve në Prishtinë.
Fjolla Morina u shpall në kërkim ndërkombëtar pasi theu masën e sigurisë së arrestit shtëpiak.
Morina u dënua në 25 mars nga Gjykata e Kukësit me 9 vite burgim për trafikim të armëve, që pas zbritjes së 1/3 prej gjykimit të shkurtuar u bënë 6 vjet. Prokuroria kishte kërkuar vetëm 7 vjet për Morinën, por gjykata u tregua më e ashpër.
Fjolla Morina u arrestua më 19 shtator në pikën kufitare të Morinës me pasi në çantë iu gjet një pistoletë. Në makinë ishte me dy persona të tjerë, një prej tyre Fisnik Syla, biznesmeni me të cilin ajo pohoi më pas se është një lidhje romantike. Tjetri, sipas raportimeve mediatike, ishte shofer. Më pas, Morina u la në arrest shtëpie, masë që e shkeli, duke u arratisur nga Shqipëria. Gjatë kohës që ka qenë në kërkim, ka postuar shpesh në rrjetet sociale.
Martesa e saj me Fisnik Sylën bëri “bujë” të madhe në media, pasi biznesmeni la gruan e tij dhe fëmijët për tu martuar me këngëtaren.
Në një intervistë ish-bashkëshortja e Fisnik Sylës u shpreh: “Atyre që deshten shkatërrimin e familjes marrshin nga jeta atë që e meritojnë”. Ky “mallkim” duket se e ndoqi edhe këngëtaren e cila pas pushimeve përfundoi në pranga e policisë.
DENONCO