U godit nga rrufeja, humb jetën 25-vjeçari/ Detajet

Një 25 vjeçar ka humbur jetën tragjikisht pasi është goditur nga rrufeja në Pallçishti i Poshtëm në Tetovë. Nga raporimet mësohet se i riu u godit nga rrufeja gjatë kohës kur po kulloste bagëtitë.

Ndërkohë trupi i pajetë i të riut është gjetur nga një tjetër bari që ka qenë në afërsi.

“Dje në ora 19:25 në SPB Tetovë është raportuar se në vendin e quajtur Karabunar, në fshatin Urviç të Tetovës, është gjetur trupi i pajetë i një 25-vjeçari banor i Pallçishtit të Poshtëm, me inicialet E.O, i cili ka vdekur nga goditja e rrufesë.

25-vjeçari nga shtëpia ka dalë rreth orës 11:00, ndërsa pas një periudhe nuk ju është përgjigjur thirrjeve telefonike. Vdekjen e ka konstatuar mjek i mjekësisë ligjore, ndërsa trupi i tij, pas urdhërit të prokurorit publik, i është dorëzuar familjes”, thonë nga Policia e Tetovës.

LEXO EDHE  Sherr mes prostitutave për klientët në Elbasan, 30-vjeçarja përfundon në spital

Ndryshe, dje rrufeja lëndoi pesë persona të tjerë në qytetin e Ohrit, të cilët kanë qenë në plazh.

Qendra për Menaxhim me Kriza ka dalë me rekomandime për ditët e ardhshme, në të cilat është paralajmëruar mot i ligë. Ata kanë kërkuar nga qytetarët që gjatë kësaj periudhe të jenë të kujdesshëm.