Nuk ka kryer ushtrinë, shteti grek ndalon kapitenin e Skënderbeut

Jorgo Meksi duhej të ishte lojtari i parë që do të grumbullohej me skuadrën e Skënderbeut, mirëpo një gjë e tillë nuk ka ndodhur.

Mësohet se mbrojtësi i djathtë i linjës korçare kishte udhëtuar drejt Greqisë për të kaluar pushimet me familjarët e tij. Kapiteni i bardhekuqve do të zbarkonte në Korçë me të nisur përgatitjet për sezonin e ri, por së fundmi disa probleme i kanë prerë udhën atij për t’iu bashkuar skuadrës.

26-vjeçari është ndaluar nga ushtria greke me pretendimin se ai nuk ka kryer shërbimin e detyruar ushtarak. Duke qenë se është me pasaporte helene, rregulli është i qartë për të gjithë ata që duhet t’i nënshtrohen këtij shërbimi.

LEXO EDHE  8 afrime në total/ Klubi i Kategorisë së Parë nuk ndalet në merkato, prezantohen mesfushori dhe mbrojtësi

Siç raportohet Meksi e ka shtyrë disa herë një gjë të tillë, ndërsa tashmë në Greqi janë treguar të prerë për mbrojtësin e Skënderbeut. Pritet të shihet se çdo të ndodhë me të, teksa te Skënderbeu vijojnë ta presin.