Lëviznin me kallashnikov në makinë, arrestohet 19-vjeçari, nën hetim edhe 2 të mitur (EMRI)

Një 19-vjeçar ka rënë në prangat e policisë ditën e sotme në Shkodër, si dhe janë proceduar penalisht 2 të mitur, pasi u kapën duke qarkulluar me makinë me kallashnikov me vete.

Në pranga ka rënë Sinan Gjorretaj, ndërsa janë proceduar një 17-vjeçar me inicialet F.M. dhe një 15-vjeçar me inicialet G. K..

LEXO EDHE  Dhunë ndaj grave, përndjekje dhe plagosje me thikë, arrestohen 6 persona

Sipas policisë, të tre personat po lëviznin me një makinë tip “Benz”, që drejtohej nga 17-vjeçari, ndërsa poseduesi i armës ishte 19-vjeçari.

Materialet procedurale i kalojnë Prokurorisë Pranë Gjykatës së Shkallës së Parë Shkodër, për veprime të mëtejshme.