Dhuna e policisë ndaj biznesmenëve në Vlorë/ Reagon Presidenti Meta: Sipërmarrësit nuk meritojnë trajtim të tillë!

Presidenti Ilir Meta ka reaguar pas dhunës së policisë ndaj biznesmenëve në Vlorë.

Meta thekson se kjo dhunë është e pajustifikueshme. Ai shton se sipërmarrësit dhe Vlora nuk meritojnë trajtim të tillë.

Postimi i presidentit Ilir Meta:

Duke ndjekur me vëmendje dhe vlerësuar situatën shqetësuese të krijuar mbrëmë në Vlorë, i bëj thirrje Policisë së Shtetit, autoriteteve dhe institucioneve përgjegjëse të dëshmojnë ndjeshmërinë dhe përgjegjësinë e duhur në adresimin e çështjeve, që shqetësojnë biznesin, në përputhje me kuadrin ligjor.

LEXO EDHE  Krujë/ Kultivuan lëndë narkotike në pronë publike, arrestohen në flagrancë babë e bir

Protestat paqësore janë një e drejtë, që garantohet nga Kushtetuta.

Dhuna e pajustifikuar dhe shporporcionale ndaj sipërmarrësve dhe qytetarëve, në veçanti ndaj grave dhe vajzave është e papranueshme dhe e dënueshme.

Jo arroganca dhe arbitrariteti, por dialogu i sinqert dhe bashkëpunimi i ofruar nga shteti ofrojnë patjetër mundësi për arritjen e një zgjidhjeje të pranueshme.

Kurrsesi Vlora nuk e meriton një trajtim të tillë! [🇦🇱]