Autobusi përplaset me kamionin ndërrojnë jetë 28 persona

Autoritetet pakistaneze njoftojnë se një autobus me pasagjerë është përfshirë në një aksident me kamion në qendër të shtetit, duke lënë të vdekur 28 persona dhe plagosur 40 të tjerë.

Policia bën me dije se autobusi ka qenë duke udhëtuar nga qyteti industrial Sialkot në Dera Ghazi Khan, në provincën Punxhab.

Mësohet se shumica e të vdekurve dhe të plagosurve kanë qenë punëtorë, të cilët ishin duke u kthyer nëpër shtëpi, për të festuar me familjet e tyre festën islame të Kurban Bajramit, që këtë vit shënohet me 20 korrik.

LEXO EDHE  Përfshihet nga flakët Kodra e Pishave në Gjirokastër

Disa prej të plagosurve është thënë se janë në gjendje kritike.

Hetimet për shkakun e aksidentit tashmë kanë nisur.

Aksidentet vdekjeprurëse janë të zakonshme në rrugët e Pakistanit.

Rrugët e këqija, makinat e pamirëmbajtura dhe mosrespektimi i shenjave të trafikut besohet se çojnë në mijëra vdekje çdo vit.