“Partizani mund ta ketë të lehtë ndaj Bazelit”, Egbo skanon ekipet shqiptare në Conference League

Emanuel Egbo, ish trajneri që nxori Tiranën kampion në pronocim për “Report TV” ka analizuar ekipet shqiptare që luajnë në Conference League. Tekniku nigerian del kundër “rrymës” dhe shprehet se Partizani mund ta ketë të lehtë ndaj një skuadra të madhe si Bazeli.

Sipas Egbo, ekip zvicerian nuk është siç ka qenë vite më parë dhe kanë probleme në mbrojtje. Në fund, Egbo u ndal të fliste edhe për ish-skuadrën e tij, Tiranën duke theksuar se nuk i falet që nuk merr pjesë në Europë.

Partizani? “Partizani që të gjithë mendojnë se e ka me Bazelin mund të jetë ndeshja më e lehtë. Kjo sepse nuk është më ai Bazel që ka qenë më para. Tani kanë edhe probleme në mbrojtje, ndërsa një avantazh i Partizanit është se ekipet europiane i nënvlerojnë ekipet shqiptare.”

Vllaznia? “Vllaznia do ketë një armë të fortë sepse nuk është e thjeshtë të humbësh ndeshjen e parë 3-1 dhe të fitosh të kthimit 3-0. Kanë një vetbesim në nivel optimal. Mendoj se kjo do bëjë diferencën me ekipin qipriot.”

LEXO EDHE  Griezmann gati të largohet nga Barcelona

Teuta dhe Laçi? “Teuta e ka më të lehtë në letër, por vetëm në letër. Ekipin e Andorës e ka mundur edhe Prishtine e Kososës, ndërsa Laçi mund ta ketë të vështirë sepse ekipet rumune janë si ekipet ballkanase. Unë mund ta quajë derbi ballkanas sepse rumunët kanë një mentalitet si shqiptarët.”

Mungesa e Tiranës? “Ekipet me traditë në botë nuk e kanë që një sezon fitojnë kampionatin dhe sezonin tjetër nuk shkojnë as në Europë.””Partizani mund ta ketë të lehtë ndaj Bazelit”, Egbo skanon ekipet shqiptare në Conference League: Vllaznia ka një armë të fortë, Tiranës nuk i falet që nuk është në Europë