Thellohet bilanci! Shkon në 193 numri i viktimave nga përmbytjet në Gjermani dhe Belgjikë

Ka shkuar në 193 numri i viktimave si pasojë e përmbytjeve në Gjermani dhe Belgjikë. Sakaq qindra persona të tjerë rezultojnë të zhdukur.

“Ekziston frika që numri i viktimave do të rritet”, tha policia në rajonin gjerman Rhineland-Palatinate.

Vetëm në rrethin gjerman të Ahrëeiler ka më shumë se një mijë qytetarë të pagjetur. Shumica e vdekjeve janë regjistruar në Gjermani, 143, ndërsa në Belgjikë numri është rritur në 50.

LEXO EDHE  Dhunë ndaj grave, përndjekje dhe plagosje me thikë, arrestohen 6 persona

Policia Gjermane ka konfirmuar edhe 618 të plagosur, shumica në luginën Ahr, ku rrugët mbeten të bllokuara dhe urat e shkatërruara.

Përveç katër shteteve të goditura më së keqi nga përmbytjet (Gjermania, Belgjika, Holanda dhe Luksemburgu) me përmbytje tani po përballen edhe Zvicra, Austria dhe Republika Çeke. Belgjika ka shpallur 20 korrikun ditë zie kombëtare për të nderuar viktimat e përmbytjeve.